Одредени цркви и џамии извршиле злоупотреба на одредбата од законот за енергетика, тврди министерот Бектеши

Ќе има мерки против оние фирми кои ја злоупотребуваат ситуацијата со енергетската криза, кажа, министер за економија Крешник Бектеши во Студио 10.

– Во координација со РКЕ побарав листа на фирми до УЈП и надлежните институции зошто тоа е кривично дело. Имавме примери на злоупотреба на одредбата од законот за енергетика од страна на општините, тоа го направија и одредени цркви и џамии и големи компании со над 600 вработерни и кои имааат ланци на маркети. Тие ја префрлуваат обврската за плаќање на струјата на новоотворена компанија која има под 50 вработени или претходната година имала приходи помали од 2 милиони евра, рече Бектеши кој очекува во наредниот период да падне цената на пченицата и на соногледот поради новата жетва, како и на цените на производите поврзани со овие култури.

– Маслото за јадење во наредните денови би требало да почне со намалување на цената. Треба да поевтинат производите што зависат од суровини како што е пченицата и сончогледот.

Министерот очекува маслото за јадење да поевтини за најмалку 20 отсто и најави дека доколку продолжи трендот на намалување на цените на суровините, а при тоа нема намалување на цените во преработката и трговијата, тогаш Владата ќе мора да интервенира.