Лусијана Хименез е на одмор во Бразил со својот син којшто го добила од врската со славниот музичар Мик Џегер. Таа афера на фронтменот на „Ролинг Стоунс“ го чинела долгогодишна заедница со Џери Хол.
Прекрасната Лусијана Хименез (52) повторно е во центар на внимание во јавноста. Можеби и неизбежно – секогаш кога се зборува за неа, се споменува и Мик Џегер.
Популарниот рокер бил во врска со Лусијана во 1998 година, изневерувајќи ја Џери Хол. Осум месеци откако аферата започнала, јавноста дознала за новата партнерка на музичарот.
А во 1999 година се родил Лукас, синот на Лусијана Хименез и Мик Џегер. Музичарот на почетокот одбивал да го признае татковството, барал ДНК тестирање, а потоа го прифатил синот и денес со него е во прекрасен однос.
Аферата и раѓањето на Лукас биле „капката која ја прелила чашата“, па Џери и Мик се разделиле во 1999 година, две децении откако ја започнале својата љубов која им донела четири деца.
Дека врската со Лусијана била причина за разделбата потврдила и славната манекенка.
„Не знам што чувствува кон мене, но разбирам дека ја повредив“, изјавила Хименез која ѝ напишала писмо на Џери Хол барајќи нејзина прошка.
„Не ми одговори. Не очекував дека ќе го направи тоа, но знам дека сакаше да знае дека ми е жал. Луѓето забораваат дека можат да се заљубат во некого, без оглед на тоа дали сте вие богати и славни. Богатите луѓе сакаат. Познатите луѓе сакаат. Сè е исто. Нема врска, и онака сите ќе умреме на целосно ист начин“, прокоментирала Лусијана Хименез.