Славниот британски актер Дејвид Џејсон, најпознат по улогата на Дел Бој Тротер во хит-серијата „Only Fools аnd Horses“, за првпат се огласил на социјалните мрежи откако бил опериран на колкот и тоа го направил во својот препознатлив стил.
На „X“ тој објавил видео во кое ги фрла патериците и покажува дека е во топ форма со музиката од филмот „Роки“ во заднина.
„Шампион“, „Легенда“ и „Браво, секоја чест“, се само дел од пораките кои му ги упатиле неговите фанови.
За потсетување, на актерот во август му бил вграден бионички колк, а поради операцијата била одложена конвенцијата „Only Fools аnd Horses“, посветена на култната серија.
Џејсон тогаш им се извинил на фановите и соопштил дека мора да се оперира, но не открил за каква операција станува збор.
Конвенцијата ќе се одржи во јануари следната година.
A little video from Sir David Jason after his successful surgery
Let’s send him some love pic.twitter.com/75PaWuDerd
— Only Fools and Horses News (@onlyfoolsnews) November 5, 2023