Извадена калдрмата во дел од старата Скопска чаршија

На социјалните мрежи се шири фотографија од старата Скопска чаршија, на која се гледа дека на дел од неа калдрмата е извадена.

Стара Скопска чаршија која е симбол на туризмот на главниот град, со закон е прогласена за културно наследство од особено значење и оттогаш е под трајна заштита на државата.

Надлежни за старата Скопска чаршија се општините Центар и Чаир, како и град Скопје, но надлежности има и министерството за култура.