Почина познат кантри пејач, само два дена откако дознал дека има коронавирус (ВИДЕО)

Познатиот кантри пејачот Џо Дифи почина во неделата на 62 години, само два дена откако дознал дека е позитивен на ковид-19.

– Кантри музичката легенда Џо Дифи почина денеска, недела 29 март, поради последица од коронавирусот. Неговото семејство бара приватност – напишал менаџерот.

Џо бил смирен кога дознал дека е заразен.

– Се грижат за мене и се лекувам. Семејството и јас бараме приватност во овие моменти. Сакам да потсетам, сите да бидат внимателни за време на оваа пандемија – рекол Џо во петокот. Обожавателите се тажни поради неговата смрт.

Џо во 1999 година доби Греми за најдобра кантри соработка. Познат е по бројни хитови, особено од 90. години на минатиот век. Издал 13 албуми.