Прогласена вонредна состојба во Србија поради коронавирусот

На вечерашното обраќање кон нацијата, претседателот на Србија, Александар Вучиќ прогласи вонредно состојба на територијата на целата држава.

-Србија од денеска е во војна против невидлив противник кој мора да го победиме. Борбата која е пред нас е борба за нашите родители и иднината – изјави Вучиќ.

Со вонредната состојба ќе бидат затворени школите, градинките и факултетите, а ќе се ограничи работењето на угостителските објекти.

Инаку, во Србија попладнево се потврдени уште два случаја на коронавирус, со што вкупниот број на заразени достигна 48, соопшти српското Министерство за здравство.