Млад брачен пар по потекло од Струга е застрелан во Австралија последниот ден од годината, а единствен осомничен е таткото на убиената. Ветон (29) и Линдита Мусаи (25) биле застрелани во нивниот стан во предградието на Мелбурн.
Линдита починала на лице место, а Ветон наредниот ден во болница. Таткото на убиената има прострелна рана која си ја нанел обидувајќи се да се самоубие откако ги убил ќерката и зетот.
Инаку, Ветон Мусаи бил вработен во австралиската национална банка и бил син на поранешниот шеф на албанското здружение на заедници во Австралија, Алил Мусаи, со потекло од Струга.
