Камила Кабељо одлучила со сите да сподели какво било нејзиното прво сексуално искуство, кога имала 20 години. Првиот секс е тема за која многумина се таинствени и претпазливи, дури и познатите личности. Но, не и оваа пејачка.
За време на неодамнешното гостување во поткастот „The Armchair Expert with Dax Shepard“, Кабело започнала да зборува за нејзината врска од пред 7 години. Таа открила дека во тоа време се забавувала со писателот и инфлуенсер Метју Хаси и дека со него го имала првото сексуално искуство.
А потоа навлегла во детали. „Тоа беше мојата прва врска. Тој имаше поткаст во кој зборуваше за „дејтовите“. И сега е оженет. Па, честитам“, започнала.
„Буквално водевме љубов“
„Тоа беше доцна за прва врска. Имав 20 години. Со него го имав и првиот секс – на 20 или 21 година. Буквално водевме љубов. Беше прекрасно“, додала Кабељо.
Иако биле заедно само нешто повеќе од една година, помеѓу 2018 и 2019 година, таа вели дека многу научила од Хаси. Таа, исто така, го пофалила за успехот на неговите врски после неа, бидејќи тој сега е оженет.
Кабељо продолжила:
„Тој беше одлична личност. Тоа беше како совршена вистинска врска. Навистина го прошири мојот свет, бидејќи тој не ни беше во мојата индустрија“.