Француската претседателски двојка, Емануел и Брижит Макрон, во вторникот во Елисејската палата во Париз го угостиле корејскиот претседателски пар, Јун Суј Јела и Ким Кон Хи.
Првата дама на Франција и првата дама на Јужна Кореја разговарале за зајакнување на културните и уметнички размени на овие две земји, а и двете се определиле за деловни, елегантни модни изданија.
Убавата Корејка, која верувале или не има 50 години, се определила за црно-бела комбинација, одбирајќи да носи црно, асиметрично здолниште на преклоп и совршено скроено сако.
Но, како и секогаш, Брижит ја однела победата во овој моден дуел, благодарение на едноставноста и отменоста кои, како и на поголем дел од Французинките им се добро познати.
Оваа 70-годишна жена има навистина голем вкус кога станува збор за облекувањето, па ретко кога прави грешки.
Знае кои бои и какви кроеви ѝ прилегаат, па многу ретко отстапува од тој шаблон. Познато е дека Брижит е фан на неутралните, односно ненападните нијанси, како сива, бела, црна и тегет боја, а истите навистина ѝ одговараат на нејзината боја на коса и тен, па со години во нив се појавува.
Овојпат госпоѓа Макрон избрала да носи едноставен фустан, со рамен крој и должина до над колената, а истиот бил бел. Фустанот го красел појас во пределот на струкот, но само на задниот дел, додека на предниот дел имал две сребрени, кружни плочки.
Оваа креација е во стилот на 60-те години, а веќе на прв поглед се гледа дека е многу квалитетна, па остава моќен впечаток. Брижит стајлингот го надополнила со беж салонки кои визуелно ја издолжувале нејзината фигура.
Самиот модел на фустан е лесен за комбинирање и одличен избор за дамите во зрели години кои можат да се пофалат со долгите, витки нозе.
