На црвениот тепих на Канскиот фестивал прошетале многу славни личности, но највпечатлива била индиската актерка и манекенка Ајшварија Рај, а многумина веруваат дека го видовме и најголемото модно промашување досега.
Тоа промашување го носела француската актерка Федерик Бел која пред фото-репортерите се појавила во т.н. гол фустан, а иако овој тренд може да биде одличен спој на провокација и гламур, овојпат тоа не било случај.
Актерката избрала фустан со долги ракави, од целосно проѕирен материјал којшто имал стратешки распоредени сребрени и сиви детали со геометриски облик, така што ѝ ги покривал градите и другите делови од телото.
Во состав со бојата на својот необичен фустан, Фредерик Бел носела ѓердан составен од низа сребрени и златни детали, како и златни салонки и плико-чанта, а судејќи по коментарите – можела да се облече многу подобро.
„Каков е овој хорор?“, „Французинките се баш познати по стилот“, „Делува како да размислувала како да биде во центар на внимание и изгледа како будала“, „Што е ова?“, „Даваш толку пари, а изгледаш смешно“, биле само дел од коментарите.
