Загубата на детето претставува најголема трагедија за една мајка. Една од оние што се соочиле со вакво страдање е актерката Миа Фароу, која ја дочекала староста тагувајќи за децата што ги изгубила.
И покрај тоа што ги изгубила своите деца Там, Ларк и Тадеј, таа сега ужива во љубовта на своето преостанато семејство. Бројни скандали го обележале нејзиниот живот, додека трагедиите ја уништиле. Сепак, собрала сила да продолжи понатаму, но како ѝ било, само таа знаела.
Миа Фароу се соочила со трагедија откако ги изгубила своите три сакани деца во најужасен тек на настаните.
Како се случило тоа?
Првпат доживеала трагедија кога ќерка ѝ Там починала на 17 години поради предозирање со лекови за главоболка, кои ги добила на рецепт. Потоа, ја изгубила и другата ќерка.
„Ларк почина на 35 години од компликации на ХИВ вирусот што ѝ го пренесе партнерот. И покрај болеста, таа живееше плодоносно и со многу љубов, со деца и долгогодишен партнер. Почина на Божиќ во прегратките на својот партнер“, рекла Миа во една пригода.
Откако ги изгубила двете ќерки, Миа доживеала уште една неподнослива болка, кога нејзиниот син Тадеј си го одзел животот. 29-годишното момче починало, а неговото семејство наводно очекувало да сподели вести за својата венчавка. За жал, ѝ подлегнал на емоционалната траума.
„Ова се неописливи трагедии“, кажала Миа кога искрено зборувала за трагичните загуби на своите деца.
Ги молела луѓето да престанат да шпекулираат и да го почитуваат споменот на нејзините покојни деца. И покрај болката со којашто се соочила, Миа е горда мајка на 14 деца и баба на 16 внучиња. Како амбасадорка на УНИЦЕФ за добра волја, таа продолжува да инспирира и да им го менува животот на другите.
И покрај тоа што доживеала невидена болка, се чини дека Миа нашла утеха и сила во другите деца, како и во љубовта.
