Анџелина Џоли моментално е во центарот на медиумското внимание, бидејќи американските медиуми пишуваат дека започнала врска со милијардерот и наследник на финансиската империја Дејвид Мајер де Ротшилд.
Британецот Дејвид Мајер де Ротшилд е член на семејството Ротшилд и најмлад од трите деца на Викторија Лу Шот и Сер Евелин де Ротшилд од Англија.
Неговото средно име „Мајер“ е земено од името на основачот на банкарското царство на семејството Ротшилд, Мајер Амшел Ротшилд.
Тој е најмлад наследник на банкарското богатство на своето семејство – де Ротшилд, роден во 1978 година во Лондон, во Англија.
Неговата мајка била Американка, ќерка на Марисеј Лу и инвеститорот Луис М. Шот.
Како тинејџер, де Ротшилд бил најдобро рангиран скокач во скок со коњи во британскиот јуниорски тим. Подоцна се откажал од спортот за да продолжи да се образува.
Дејвид Мајер де Ротшилд завршил Оксфорд Брукс и добил диплома на политички науки и информациски системи. Во 2002 година се запишал на други студии во Лондон каде се стекнал со дипломата за природна медицина.
На 20 години де Ротшилд започнал свој сопствен бизнис во областа на музиката којшто подоцна го продал и купил органска фарма на Нов Зеланд. Потоа бил повикан да учествува во поларна експедиција. Ова искуство го претворило во екоавантурист.
