Американската актерка Џенифер Билс се прославила во 1983 година во култниот филм „Flashdance“, а нејзината сцена со жешкиот танц до денес се смета за една од најсексапилните кои некогаш биле снимени.
Филмот наскоро ќе одбележи 40 години од снимањето, а приказната за жената која преку ноќ станува сексапилна танчарка во ноќен клуб се запиша во сеќавањата и срцата на милион гледачи ширум светот.
Дека ниту Џенифер до денес не ја заборавиле гледачите, докажуваат нејзините повеќе од половина милиони следбеници на Инстаграм со кои редовно споделува моменти од приватниот живот, а често се присетува и на старите денови.
Сега на социјалните мрежи таа се простила од пејачката Ирене Кара, коавторка и изведувачка на песната „Flashdance… What A Feeling“ која ненадејно почина на 63-годишна возраст.
„Ти благодарам брилијантна Ирене, а твоето отворено срце и бестрашен талент се неверојатни. Само прекрасните сонувачи можат да напишат и изведат песни за оние кои се осудуваат да сонуваат“, напишала актерката.
Иако Џенифер и по филмот продолжила да глуми, повеќе никогаш не успеала да го обнови успехот од почетокот на својата кариера, но неверојатно е колку со текот на годините малку се сменила.
Освен младоликиот изглед, Џенифер сè уште може да се пофали со фигурата како во култниот филм а познато е дека виткоста ја одржува со редовни тренинзи на бокс, кунг фу и триатлон.
Прво се венчала за Александар Роквел во 1986 година, со кој добила две деца, а бракот траел до 1996 година. Две години подоцна се венчала за канадскиот претприемач Кен Диксон со кој во 2005 година добила ќерка.
