Кортни Тилија е наставничка која решила да се откаже од наставата и да стане вистинска ѕвезда на OnlyFans.
Таа се декларира како христијанка и верува дека Бог ја испратил на земјата за да им помогне на другите жени да се „ослободат“ од нивниот сексуален срам.
– Божјата порака беше сосема јасна: Јас сум тука да бидам утринска ѕвезда. Ова е мојот начин на служење – изјави таа во интервју за Дејли Стар.
Мајката на четири деца претходно работела како професорка во средно училиште.
– Пред да го напуштам предавањето се чувствував одвоено од себе и од Бога. Не знаев која е целта на мојот живот и за што сум создадена – рекла таа.
После тоа, во 2016 година, таа отворила профил на OnlyFans, а нејзиниот сопруг ја поддржал.
Поранешната професорка признава дека на почетокот се срамела, пред полека да сфати дека нејзиното строго христијанско воспитување е причина за нејзината вина.
– На почетокот имав толку многу сопствен сексуален срам. Се сеќавам дека бев на фотосесија каде што имаше неколку ѕвезди, и бев многу возбудена. Ги чувствував предрасудите кои ми ги всади општеството и религијата и бев многу свесна за тоа – објаснила Тилија.