ВЕЧЕРАТА ИЗЛЕГЛА ПОСКАПА ОД ОДМОРОТ: Кога во менито пишува едно, а ти гледаш друго

Избрале шише вино од дното на страницата: „Domaine Leflaive Chevalier-Monrachet“, берба од 2004 година, по цена од 1,7 милиони индонезиски рупии или околу 170 австралиски долари.

– Дефинитивно повеќе отколку што вообичаено би платил во Австралија, но тоа беше роденденска забава. Сто и седумдесет долари не се страшни, па го повикав келнерот, кој подзастана и ме праша: Дали сте сигурни, господине? – изјавил туристот, кој признал и дека малку се навредил кога келнерот го прашал.

– Му реков да не се грижи мислејќи во себе како може да помисли дека не можам да платам 170 долари за шише вино. Го испивме целото шише и уживавме во вечерата, а во еден момент и газдата излезе да не пречека, објаснил Австралиецот.

На крајот на вечерта тој ја платил сметката и не обрнал многу внимание. Меѓутоа, кога проверил следниот ден, бил непријатно изненаден. Открил дека виното не чинело 1,7 милиони рупии, туку 17 милиони или речиси 1.700 австралиски долари.

– Таа вечера всушност чинеше повеќе од целиот одмор, додал туристот.