Бред Пит го прослави својот 60. роденден заедно со пријателите и неговата девојка Инес де Рамон во познат ресторан во Лос Анџелес, пишува „Пипл“.
На фотографиите кои ги објавија медиумите може да се забележи дека двојката била расположена. На приватната забава на актерот гостите донеле разни подароци како уметнички дела и фотографии, вклучувајќи и фотографија од заљубениот пар позирајќи со смешен израз на лицата.
На оскаровецот кој беше облечен во уникатна кошула украсена со злато му се придружиле пријателите и деловните соработници, вклучувајќи го и британскиот уметник Томас Хаусаго. Инес носеше балон во раката, а Бред постојано им се смешкаше на фотографите.
Но, како што пренесуваат странските медиуми одбележувањето на јубилејниот роденден на Бред траело неколку дена. Претходно оваа недела, актерот и Инес заминале во Париз на романтично патување каде престојувале во луксузен хотел со пет ѕвезди од 17 до 19 декември.
