Актерот Џо Манганиело (47) ја сподели својата страна од приказната за неговиот развод со актерката Софија Вергара (52).
Актерот тврди дека причината за разводот што Софија ѝ го соопштила на јавноста „едноставно не е вистина“, пренесува E News.
Имено, на почетокот на оваа година, актерката во интервју за шпански Ел Паис откри: „Бракот ми се распадна бидејќи Џо беше помлад од мене и сакаше да има деца, а јас не сакав да бидам стара мајка. Чувствувам дека не би било фер кон бебето. Не е веќе тоа за мене.
„Првата година и пол се обидовме да основаме семејство“, објасни Џо во интервју за Men’s Journal. „Веќе во првиот месец од врската имавме голем разговор во кој ѝ реков дека ќе разберам ако завршила со деца“, додал тој. „И ѝ ветив дека никогаш нема да заминам ако не успее. И не го сторив тоа“, тврди Џо.
Актерот тврди дека вистинската причина за разводот е всушност тоа што тие се оддалечиле еден од друг. „Ме прикажува како да имам некаква средовечна криза и по девет години се свртев и дадов ултиматум да направам нешто нездраво за моето тело“, рече тој.
Да потсетиме, парот раскина минатата година. Повеќе извори велат дека двајцата воделе одвоени животи долго пред тоа.