Времето денеска ќе биде претежно облачно и студено со повремени локални врнежи главно од снег, освен на крајниот југоисток каде ќе бидат од дожд. Повеќе врнежи ќе има попладне во западните делови од земјава.
Утринската температура ќе се движи од минус девет од нула, а дневната од минус два до седум степени. Во Скопје и околината слично време со утринска темпертура околу минус шест, а дневната до еден степен.
И во вторник ќе биде облачно и студено со повремени врнежи претежно од снег, особено во јужните делови. Ќе дува умерен до засилен северен ветер. Стабилизација на времето се очекува од среда, но утринските температури ќе бидат во опаѓање.
