Морган Фриман со документарец за велешаните што ширеа лажни вести (ВИДЕО)

„Продавање лаги“ е краток документарец за мрежата на тинејџери во Македонија чии лажни политички вести имаа историско влијание врз американските претседателски избори во 2016 година – објави www.fakulteti.mk.

Филмот е во производство на компанијата „Ревелејшнс ентертејнмент“ на славниот холивудски актер Морган Фриман.  Режисерка на филмот е Лесли Ајврекс, која во 2006 година била номинирана за „Оскар“ за краток документарен филм „Рециклиран живот“.

– Во 2016 година стотици македонски тинејџери открија начин како да шират лажни политички вести на „Фејсбук“. Овој редок поглед во социјалната мрежа ја открива вистината зад овие лаги и го прикажува драматичното влијание врз Америка и претседателските избори во САД, велат од продукцијата.