Д-р мед.сци. Маја Милованчева-Поповска
интернист-нефролог
ПЗУ Промедика Медикал Центар
Метаболизмот е процес на претварање на храната во енергија која телото ја користи. Успорениот метаболизам и зголемувањето на тежината со годините може да бидат фрустрирачки и да водат до здраствени проблеми.
Консултација со доктор може да открие дали причина за успорување на метаболизмот е некоја медицинска состојба како намалена функција на тироидната жлезда (хипотироидизам), Кушингов синдром, синдром на полицистични овариуми.
Но исто така успорениот метаболизам со годините и порастот на тежината може да водат до здраствени проблеми
Кога се успорува метаболизмот?
После 30-тата губењето на тежината не е толку лесно како порано, особено ако не сме физички активни.
На 40 години телото почнува природно да губи мускулна маса, процес наречен саркопенија. Дури и со физичка активност сепак телото ќе изгуби одредена мускулна маса. Масното ткиво кое почнува да се таложи исто така го успорува метаболизмот.
Хормоните и генетиката влијаат на брзината на успорување на метаболизмот. Секоја особа има различна мешавина од хормони и гени и тешко може да се предвиди стапката на успорување на метаболизмот. Гените одредуваат колку мускули имаме, нивната големина и способност за растење. Ова влијае на метаболизмот, помала мускулна маса значи побавен метаболизам.
Со возраста метаболизмот се успорува поради:
Губитокот на мускулната маса што се јавува со стареењето влијае на намалување на стапката на согорување на калории.
Помалата физичка активност со возраста допринесува за успорување на метаболизмот и пораст на тежината. Ако не се вежба се губи 3-5% мускулна маса секоја декада.
Полот исто така влијае на метаболизмот. Мажите имаат побрз метаболизам бидејќи имаат поголема мускулна маса, потешки коски и помалку масно ткиво.
Промените во животниот стил и здравите навики кои се добри за метаболизмот може да помогнат.
Вежби за сила – градење мускулна маса со дигање тежини помага повеќе калории да се согорат кога сме во мирување. Повеќе мускулна маса води до побрс метаболизам.
Аеробични вежби – помагаат за согорување на калории. Пешачење, трчање, пливање, планинарење.
Балансирана исхрана
Внес на доста течности, вода, зелен чај