Д-Р БЕЌАРОВСКИ: Kaзната за присуство на цивилни лица во Ковид центар не може да биде само рaзрешување на надлежните

Докторот Нико Беќаровски синоќа преку Фејсбук објава порача дека казната за присуство на цивилни лица во Ковид центар не може да биде само разрешување на надлежните.

„Континуирано присуство на ЦИВИЛНИ НЕВРАБОТЕНИ ЛИЦА ВНАТРЕ во Ковид центрите е СВЕСНО ЗАГРОЗУВАЊЕ НА ЈАВНОТО ЗДРАВЈЕ. За вакво злодело казната не може да биде само разрешување на надлежните во тетовската болница“, напиша Беќаровски.

Инаку, министерот Венко Филипче на вчерашната прес конфереција рече дека првичните информации се дека во моментот на пожарот во тетовската Ковид-болница имало две лица „на посета“, а граѓани сведочат дека за прием на болни од болницата им барале да обезбедат придружба за своите блиски.