Публиката на тенискиот турнир Вимблдон во Лондон вчера ѝ оддаде почит на Сара Гилберт, професорката од Универзитетот Оксфорд која го предводеше тимот зад вакцината против ковид-19 на Оксфорд и „АстраЗенека“. Кога официјалниот спикер соопшти дека професорката по вакцинологија е присутна во Кралската ложа на централниот терен пред мечот на Новак Ѓоковиќ и Џејк Дрејпер, публиката речиси една минута стоеше и аплаудираше.
Минатата година Вимблдон не се одржа поради пандемијата на коронавирус. Годинава, навивачите треба да прикажат доказ дека примиле две дози од вакцина или негативен ПЦР тест за да присуствуваат на натпреварите. Од нив се бара да носат маски додека се движат наоколу, но можат да ги извадат додека го гледаат мечот на трибините.
Ѓоковиќ победи со 4:6, 6:1, 6:2, 6:2 на мечот од првото коло.
An opening day on Centre Court with a difference…
A special moment as we say thank you to those who have played such an important role in the response to COVID-19#Wimbledon pic.twitter.com/16dW1kQ2nr
— Wimbledon (@Wimbledon) June 28, 2021