Како што ексклузивно посочува Педула, можно е Џенова во новата сезона да не влезе со актуелниот кормилар Давиде Балардини на клупата после брилјантниот обезбеден опстанок, а на негово место прва цел на претседателот на клубот Енрико Прециози е токму 45-годишниот Ангеловски, кој после ЕП и пет ипол години селектор на Македонија скоро извесно е дека ќе ја заврши авантурата како кормилар на црвено-жолтите.
Педула потенцира дека ангажманот на Ангеловски за тренер може да биде и обид Горан Пандев да продолжи да игра, зашто македонскиот ас најавува пензија после ЕП, но сѐ уште дефинитивно не одлучил, а веќе призна дека има „притисок“ од многумина да не се повлече од фудбалот.
„Во моментов сум фокусиран само на Европското првенство и не сакам да зборувам за други работи. За останатото – кога ќе дојде време“, му рекол Ангеловски на Педула за веста дека можно е да стане нов тренер на најстариот калчолигаш.
