Холивудската глумица Џенифер Анистон на својот Инстаграм профил објави дека се вакцинирала против коронавирус, и дека се чувствува фантастично откако е вакцинирана.
„Вакцинирана и се чувствувам навистина добро! Ние сме исклучително среќни и привилегирани што во моментов имаме вакцини во САД, но тоа не е случај насекаде, за жал, и како што знаеме, здравјето на сите нас зависи од здравјето на една личност… Мислам на оние кои немаат или нема да имаат можност да се вакцинираат, да ги прегрнат своите пријатели и членови на семејството“, напишала актерката објавувајќи своја фотографија на оваа социјална мрежа.
Инаку, Џенифер Анистон, како и повеќето нејзини колеги, реши да ја искористи својата популарност и со своите постапки апелира до јавноста да се вакцинира.