Тенисерот Троицки и бремената сопруга се заразени со корона, ќеркичката е негативна

Српскиот тенисер Виктор Троицки и неговата бремена сопруга Александра се позитивни на тестот за коронавирус, соопшти организаторот на Адриа Тур.

„Вистина е, јас и сопругата сме позитивни на вирусот. Таа се тестираше во петокот, а јас и ќерката во неделата откако дознавме дека е позитивна сопругата. Мојата ќерка не е позитивна, само јас и сопругата“, им потврдси Троицки на медиумите.

Инаку, минатата недела  Виктор и неговата сопруга Александра во еден белградски ресторан го славеле третиот роденден на ќеркичката Ирина.

Резултатите на тестирањето на Ѓоковиќ се очекуваат денеска, по што тој ќе се обрати до јавноста.