Сидни Свини сними нова реклама за спортската платформа „Novig“, навидум пркосејќи им на оние што ја напаѓаат на интернет. Уште еднаш, таа не се двоумеше да се покаже целосно разголена пред светот.
Пред еден месец, Сидни Свини предизвика бурни реакции во јавноста кога сними реклама за „Novig“, платформа за спортско обложување. Во тој спот таа се појави целосно гола, а фотографиите и видеата од нејзиното голо тело станаа вирални на интернет. Спортистки од целиот свет остро реагираа на потегот на познатата актерка.
Иако рекламата наиде на значителни критики во јавноста, се чини дека тоа не ѝ наштети премногу на јавната слика за Сидни. Сега, пркосејќи им на оние што ја критикуваа, таа сними продолжение на таа контроверзна реклама.
За оваа прилика, таа носеше само бели гаќички и две рагби-топки што ѝ ги покриваа градите. Сепак, зборовите изговорени во рекламата беа тие што навистина го привлекоа вниманието на јавноста:
„Има возрасни мажи кои прават табели за да се обложуваат на бојата на моите гаќички. Мислам, поласкана сум?“ – вели таа, додавајќи: „Некој седи на тоалет и ги троши своите животни заштеди за да се обложи на некоја ку*ка, а потоа има луѓе кои едноставно се обложуваат на спорт. ’Novig‘ е… само спорт“ – заклучи таа.
Поделени реакции во јавноста
Како што можеше да се очекува, рекламата предизвика поделени реакции; некои предвидуваат дека таа ќе поттикне лавина од коментари и осуди, како од жените, така и од спортистките. „Пак ќе ги разбесни“, „Ужива во тоа што луѓето ја мразат“, „Сите тие љубоморни девојки пак ќе се јават, а јас ќе уживам читајќи го тоа“ – ова беа само дел од коментарите на нејзините фанови.
