Влошена здравствената состојба на родилката од Куманово

“Има влошување на состојбата на родилката од Куманово“ , рече министерот Венко Филипче.

“Пациентката може да дише независно од машина, но нејзината клиничка слика и рентгенолошки наод се полоши од претходните денови“ објасни Филипче.

Од петмината починати во изминативе 24 часа, четворица починале на Инфективната клиника во Скопје и еден во Куманово.

Се дијагностицирани 29 пациенти, а вкупната бројка на заболени е 599.

Во болницата „8 септември“ има вкупно 19 хоспитализирани, од кои 9 се со потешка клиничка слика.