Тајсон Фјури е новиот боксерски шампион во тешка категорија во ВБЦ верзијата, откако рано утрово, во спектакуларен меч го победи Деонте Вајлдер.
Фјури од самиот почеток влезе подобро во мечот, беше агресивен и констатно го напаѓаше Вајлдер. На стартот на втората рунда Вајлдер малку возврати, меѓутоа втората половина од оваа рунда повторно му припадна на Британецот. Во третата рунда можеби се случи одлучувачкиот момент, Вајлдер се најде на пад после еден силен удар на Фјури. Вајлдер брзо стана, но од тој момент повеќе како да немаше контрола на борбата. Фјури доминираше.
Повторно на подот Вајлдер се најде во петтатата рунда. Ја преживеа и шестата рунда, но не успеа да издржи до седмата рунда, кога судијата со технички нокаут мораше да ја прекине борбата, а тоа значеше и дека новиот светски боксерски првак е Фјури.
Вајлдер во 11-тиот обид да ја одбрани титулата за прв пат е поразен во кариерата, па приматот на непоразен сега останува само за Фјури.
https://twitter.com/i/status/1231456151654588421