Со промената на законот за вработените во јавниот сектор, каде е регулирано примањето подароци не смее да се подаруваат подароци поскапи од 1000 денари.
Законот е донесен со цел да се спречи корупција, подмитливост итн, но во пресрет на 8 март. Ваквата забрана не е само за Меѓународниот ден на жената туку важи постојано. Оваа измена која беше направена на 13 февруари 2015 година е ставена во член 39 од Законот во кој пишува дека една иста личност вработените во јавниот сектор можат да примат подарок во вредност од 1000 денари најмногу трипати во годината, а вкупната вредност не смее да биде над 3 000 денари од една иста личност.
Доколку сепак родителите одлучат да и подарат нешто поскапо на учителката тогаш таа ќе може да го земе, но не смее да го носи дома, бидејќи според направените измени скапите подароци ќе треба да останат во училиштето, а сите буџетски институции се должни да водат посебна евиденција на сите примени подароци.
Забраната се однесува на вработените во образованието, здравството, културата, трудот, полицијата, армијата, царината, државни и јавни службеници, фондови и агенции, јавни претпријати и затвори, односно учителки, лекари, полицајци и цариници.