Учителката е избркана од училиште во Куманово, заради објавување на експлицитни фотографии и видеа- објави република.мк.
“Изгуглајте, Учителката од Куманово на сајт за возрасни.“
–Со ваква порака од анонимен испраќач биле алармирани родителите на децата од паралелката 4-6 од основното училиште „Лазо Ангеловски“ од скопската населба Аеродром.
Загрижените родители информираат дека таа веќе една година работела во училиштето како замена и дека оваа вест за нив е вистински шок пред почетокот на новата учебна година.
Родителите вознемирени и во паника се обратиле до директорот на училиштето Перо Арсеновски, а како што опишуваат, тој со дрзок тон им се обратил дека нема време да се занимава со тоа бидејќи во моментот го очекувал да пристигне градоначалникот на општината Аеродром, Златко Марин. Откако не наишле на разбирање кај Арсеновски, родителите веднаш се упатиле во Општина Аеродром, каде барале средба со градоначалникот Златко Марин.
Но, наместо со него, се сретнале со неговата секретарка, која според тврдењата на родителите била згрозена и ветила дека веднаш ќе го извести градоначалникот а потоа и родителите.
Додека биле во исчекување за тоа дали педагогот на 4-6 одделение ќе биде заменет со нов, еден од родителите која денеска своето дете го однел во училиште, бил пречекан од нова наставничка, која информирала дека од денеска таа ќе го превеземе раководењето со паралелката, а за тоа била известена пред половина час. Родителот ги информирал и останатите дека паралелака во која учат нивните деца има нов раководител.
Новинарите од Алфа побарале став од директорот за скандалот кој ги потресе родителите на малолетните деца, тој ја демантирал ваквата афера и кусо одговорил: Не знам за што зборувате, првпат слушам за вакво нешто.
Од Алфа доставиле прашања и до општината Аеродром ,но оттаму не добиле одговор. Градоначалникот Златко Марин бил недостапен за медиумот, одговорите засега остануваат заклучени во фиоките на надлежните.
Алфа се обрати и до основното училиште „Кочо Рацин“ во Куманово, оттаму ја потврдија аферата за наставничката која на својот фејсбук профил објавувала експлицитни фотографии, кои од 2015 година почнале да се шират во јавноста, пропратени со видео за возрасни. И тогаш родителите реагирале за нејзина промена, по што наставничката сама си дала оставка.
