Синоќа околу 22 часот, млад човек (23) со својот мерцедес удрил во луѓе и автомобил на паркинг во Бузин.
Како што соопшти утрово полицијата три лица се тешко повредени, а две полесно. Полициската управа во Загреб прецизираше дека 23-годишниот маж управувал Мерцедес со загрепски регистерски таблички и поради несоодветна брзина налетал на тројца пешаци и еден автомобил, кој потоа се одбил во друг автомобил.
На социјалните мрежи се шират вознемирувачки видеа кои настанале откако 23-годишникот удрил со својот Мерцедес во луѓето. На една од нив се гледа како возачот седи во уништеното возило веднаш по ударот. Во друг автомобил се гледаат две повредени лица, како и машко лице кое лежи на земја. Настанала паника, околу автомобилот се собрала поголема група луѓе.
#Zagreb #Buzin valjda gaseri shvate da je auto opasno oružje.. pic.twitter.com/E9KluWRMyN
— Antonio Raguž (@Rag_antonio) June 16, 2023
На друга снимка се гледа како возачот излегува од автомобилот, приоѓајќи и на една од жртвите на подот и се фаќа за глава. Цело време се движи, држејќи ја главата, додека луѓето околу него се обидувале да им помогнат на жртвите.