Во рускиот град Челјабинск маж облечен како Дедо Мраз паднал од балконот на 24 кат на станбена зграда и починал, а истрагата е во тек, соопшти регионалното обвинителство.
На каналот Телеграм кој ги следи настаните во Челјабинск, објавено е видео од човек облечен како Дедо Мраз кој се качува преку балконот на повеќекатната зграда, се држи за јаже, но во одреден момент се спушта и паѓа, додека во исто време возрасни и деца стојат во дворот на зградата и гледаат што се случува, пренесува РИА Новости.
Според локалните медиуми, мажот требало да се спушти во дворот на детска забава. Според информациите кои руската агенција ги добила од обвинителството, повредениот е роден 1974 година, а се утврдуваат сите околности на овој инцидент.