Актерката Аманда Бајнс неодамна била сместена на психијатриско одделение откако била пронајдена како целосно гола шета по улиците на Лос Анџелес.
Самата повикала полиција, а потоа доброволно заминала на лекување.
Како што пренесуваат странските медиуми, таа цело време соработувала со лекарите и рекла дека „не се чувствува подготвена“ да ја напушти болницата.
По три недели поминати во психијатриска установа, се одјавила .
Со неа работел тим специјалисти кои донеле одлука дека актерката е подготвена да ја напушти установата, но ќе продолжи со дополнителни програми за ментално здравје.
Според извештаите, за неа сега се ќе се врати во нормала бидејќи оди да живее во својот дом и програмите за ментално здравје ќе ѝ помогнат да го одржи напредокот кој го постигнала на психијатрија.
