Македонецот Митко Тошев со својот уметнички талент го воодушеви еден од најдобрите тенисери на сите времиња Рафаел Надал. Шпанскиот тенисер се сликаше со портретот што специјално за него го наслика струмичкиот уметник.
„Знај добро секој труд, пот, напорна работа еден ден ќе се исплати! Ми беше огромна чест и задоволство да го изработам портретот на еден од најдобрите тенисери на сите времиња Рафаел Надал, а уште поголема возбуда и радост што Надал се фотографираше со моето уметничко дело, благодарение на Amàlia Riera Events Manager. Делото ќе го краси Спортскиот центар и музеј на Рафаел Надал во Мајорка-Шпанија.“ напиша Митко Тошев на својот Фејсбук профил.
