Најбогатиот човек на светот и основачот на Тесла во подкаст откри дека има таен профил на Инстаграм, а го отворил само поради сексуална жед.
Маск гостуваше во подкастот на популарните Јутјубери Нелк Бојс, а во интервјуто кое траеше нешто повеќе од три часа, го откри своето знаење за вонземјаните, го предизвика Путин на борба и ја предвиде третата светска војна. Меѓу другото, тој се осврна и на темата за социјалните мрежи, вклучувајќи ја и актуелната сага со Твитер и проблемот со слободата на говорот на социјалните мрежи.
Маск, кој неодамна се најде во центарот на брачна афера, откри дека има таен профил на Инстаграм кој служи како „стапица за жед“, мислејќи на објавување или барање содржини со сексуално привлечни конотации.
Станува збор за термин кој се однесува на еден вид објава на социјалните мрежи наменети за сексуално привлекување гледачи. „Жедта“ на гледачот претставува сексуална фрустрација или очај. Стапицата се поставува со намерно објавување на провокативна содржина која мами реакција на друга, заинтересирана страна. Откако ќе реагира, личноста паднала во стапицата и ја признала својата „жед“, односно неговиот интерес или очајна потреба за вас.
Маск призна дека го отворил профилот за да кликне на различни врски, но искуството не му се допаднало.
„Направив многу селфи и сра*а и си реков: „Што е тоа, човече? Зошто го правам ова?. Се работеше за тоа како да добијам повеќе лајкови и да направам селфи…“ призна милијардерот.