Марго Роби не престанува да воодушевува со нејзината убавина и модните избори.
Познатата „Барби“, една од омилените холивудски убавици, присуствуваше на 10-то доделување на наградите „Breakthrough Prize“ кое се одржа во Лос Анџелес.
Ни овојпат таа никого не остави рамнодушен, појавувајќи се на престижниот настан во елегантен црн фустан со голи раменици кој ја истакнал нејзината витка линија.
Убавата актерка со блескава насмевка ја скратила долгата коса во модерна верзија на боб фризурата, една од најпопуларните оваа година. Таа уште еднаш нè увери дека на нејзиното совршено лице прилега речиси секоја фризура, како и дека умее да блесне во сè што носи.
За овој настан таа носела посветла шминка во земјени тонови, а косата ѝ паѓала на рамениците, давајќи му доза на романтика на целокупниот стајлинг.
