Меѓу насобраните има и бројни познати лица од хрватскиот јавен живот, а семејството на Оливер седи во првиот ред пред бината.

Синот Давор Драгојевиќ со неговиот син.

„Минатата година имаше повеќе од 30.000 луѓе, ни велат дека оваа година ќе има двојно, ќе видиме, но судејќи по бродовите и катамараните што денеска доаѓаат во Вела Лука, можеме да ја очекуваме таа бројка“, рече во Дневникот на ХРТ- а водителката Ивана Шиловиќ.

“Секогаш не чека нешто посебно кога станува збор за Оливер и неговите песни. Сигурен сум дека секој наш гледач, како и секој од нас, има посебна песна. Таа песна сигурно ќе биде испеана вечерва. Затоа слободно пејте додека го гледате преносот, играјте, смејте се, запомнете ги сите оние убави нешта што се појавуваат во вас во тој момент кога ќе слушнете една од неговите песни“, рече Ќурлиќ.

Шиловиќ откри и дека додека се шетала низ Вела Лука сретнала многу странци кои велат дека дошле организирано, дека купиле билети шест месеци однапред и дека ја посетиле семејната куќа на Оливер Драгојевиќ каде со задоволство ги примиле неговата сопруга Весна и децата и ги пееле песните на Оливер пред куќата. Многумина го посетиле и неговиот гроб.

На концертот настапуваат многу познати музички имиња – Петар Грашо, Јелена Розга, Зорица Конџа, клапа Далматино и многу други.