Во сообраќајка кај Струмица загина деветнаесетгодишна девојка

Деветнаесетгодишна девојка од Струмица, со иницијали С.Т. го загуби животот во тешката сообраќајна несреќа што се случи утрово околу 4 часот, на патот Струмица-Радовиш, во близина на селото Радичево.

МВР соопшти дека во несреќата учествувале возило со бугарски национални ознаки управувано од Ф.Д.(31) од Струмица и товарно моторно возило со радовишки регистарски ознаки управувано од С.Т (44) од Радовиш.

„Во незгодата на местото на настанот починала сопатничката во патничкото моторно возило С.Т(19) од Струмица , а возачот Ф.Д се здобил со тешки телесни повреди и бил пренесен во Коплекс клиники,,Мајка Тереза’’ за укажување на лекарска помош“, соопшти МВР.

За настанот е известен јавен обвинител, а увид на местото на настанот извршила екипа на СВР Струмица.