Еден од најдобрите светски фудбалери во моментов напаѓачот на Реал Мадрид, Карим Бензема повеќе не крие дека е во врска со прекрасната Американка Џордан Озун.
Медиумите пред неколку месеци ги споменуваа двајцата, а сега се појавија и фотографиите. Немаше докази за нивната врска до почетокот на јули, кога беа видени заедно на јахта.
Дека Бензема е во прегратките на оваа убавица се потврди и на социјалните мрежи. Убавата Џордан објави стори на социјалните мрежи на кое е во прегратки на неверојатниот голгетер, веројатниот добитник на овогодинешната Златна топка за најдобар светски фудбалер.
На овој начин таа стави крај на сите шпекулации. Фотографијата ја сподели со своите 337.000 следбеници на Инстаграм и со тоа ја потврди врската со еден од најдобрите фудбалери во светот.
Карим, од друга страна, не се огласил. Очигледно францускиот ас повеќе сака јавно да не објавува со кого е во врска, но фотографиите кои атрактивната Американка ги објави говорат повеќе од 1000 зборови.
Инаку Џордан е американски модел. Таа има 32 години и уште од младоста се поврзува со светот на модата и манекенството.
Карим Бензема можебе не сака јавно да се изнесува за врската со Џордан поради фактот што се уште е во брак со манекенката Кора Готје, со која го има синот Ибрахим, роден во 2017 година.Карим има и ќерка родена во 2014 година во претходната врска. Сепак, гласините за развод започнаа откако Карим беше виден на јахта и очигледно неговиот брак дошол до крајот.