На протестите во Париз „падна“ и венчавка

Во саботата на 8 декември, двајца припадници на “жолтите елеци” во придружба на уште 20 пријатели и познаници, припадници на истото движење организирале венчавка, пренесува Ла Депеш.

На наплатните рампи кај Семек во Високите Пиренеи, помеѓу знамињата на движењето и божиќните дрвца поставени на патот, организирана беше и венчавка.

Пред 50 претставници од движењето и кумови, венчавката била предводена од лидерот на локалниот синдикат. Сите присутни носеле жолти елеци.

Сепак, за нивниот брак да биде успешен и легален, младоженците мора да застанат и пред вистински матичар.