Ќерката на Сергеј Самсоненко остана во Македонија и стана пејачка (ВИДЕО)

Иако Сергеј Самсоненко не е повеќе финансиер во Вардар, сепак неговото семејство остана да живее во Скопје.

Една од неговите ќерки, Маша Самсоненко, која има само 17 години е новата ѕвезда на македонското музичко небо, а веќе го сними првиот сингл на македонски јазик – Дали ти ќе дознаеш.

-Јас тука живеам, тука се образувам, го научив одлично македонскиот јазик и немав дилеми за тоа дали да пеам на руски или на македонски, – вели накусо Маша.

Музиката е на Панче Касапски, текстот го напиша Огнен Неделковски, додека зад аранжманот е потпишан Лазар Цветковски.

Спотот е снимен на неколку локации под режисерската палка на Даниел Јовески.