833
Јапонскиот моден креатор Кансаи Јамамото почина на 76-годишна возраст, од леукемија.
Веста за смртта ја соопшти неговата ќерка.
„Тој го напушти овој свет мирно, опкружен од саканите. Во моите очи, мојот татко не беше само електричната и енергична душа што светот ја знаеше, туку и некој со секогаш добра мисла, чисто срце и силно влијание“, напиша на Инстаграм јапонската глумица Мирај Јамамото.
Инаку, Кансај е можеби најпознат по својата соработка со Дејвид Боуви, но и како своевиден пионер во модната индустрија во Јапонија во 1970-тите. Во своите забележителни дизајни, тој често вметнуваше и јапонски народни мотиви.
