Еден од најомилените латино пејачи на сите времиња Хулио Иглесијас кој има 75 години доби 43-годишен син. Судот во Валенсија пресуди дека Иглесијас е биолошки татко на 43-годишен маж, со чија мајка бил во кратка љубовна врска во 1975 година.
Хавиер Санчез Сантос е роден во 1976 година, а неговата мајка е португалската танчерка Мариа Едите Сантос. Санчес поминал 30 години обидувајќи се да докаже дека Иглесијас му е татко. Во 1992 година, Иглесијас го доби случајот на суд, но пресудата беше поништена.
Ова е деветто дете на Хулио и прво вонбрачно. Три деца има од поранешниот брак со Изабел Прејслер, меѓу кои е и славниот пејач Енрике Иглесијас. Пет деца има со сегашната сопруга Миранда Ријнсбургер.
Инаку, Иглесијас (75) продал повеќе од 300 милиони плочи на 14 јазици и е најпродаваниот латино уметник на сите времиња.
