Едно видео на TikTok предизвика лавина од коментари, собирајќи милиони прегледи, а откако откри нешто што изненади многу гледачи – како и туристката која го снимила.
Мелина Кансари ги посетила пирамидите во Египет кон средината на февруари, а нејзиното видео прикажува локални жители и туристи, автомобили и кочија со коњи во близина на древните структури. Сепак, друг детаљ го привлече вниманието на корисниците.
Изненадувачки контраст
Мелина објасни дека имала сосема поинаква слика во главата пред да пристигне во Египет.
„Секогаш ги замислував пирамидите како да се опкружени со бескрајна пустина, па искрено бев шокирана кога стигнав таму“, објасни таа.
Што ја остави туристката без зборови?
Фактот дека во непосредна близина на пирамидите има улици, станбени згради, па дури и ресторан „Pizza Hut“!
„Контрастот помеѓу античката историја и модерниот живот беше фасцинантен“, додаде таа.
Пирамидите не се „осамени“
И многу гледачи беа изненадени од фактот дека пирамидите не се изолирани во пустината, туку доминираат во близина на живите градски населби, објавува Newsweek.
„Толку сум изненаден. Има смисла да бидат блиску до градот, но не толку блиску“, напиша едно лице.
„Почекајте додека не го видите Таџ Махал“, додаде друго.
„Исто така бев изненаден од Акропол во Атина“, заклучи трет.