Во морето трогателни видеа од Турција и Сирија, кои беа разурнати од силни земјотреси, посебно се издвојуваше едно, на кое се гледа како сестра го штити својот брат меѓу бетонот од урнатата куќа, додека не беа спасени 36 часа подоцна.
Брат и сестра останаа заробени во урнатините на нивниот дом во Сирија, откако земјотрес ги погоди додека спиеја.
Омар Рахал слушнал глас што доаѓал од урнатините, толку слаб што се борел да сфати дали можеби е само во неговата глава. Претходната ноќ, два земјотреси со јачина од 7,8 и 7,6 степени го погодија неговото село Харем во сириската провинција Идлиб, контролирана од бунтовниците, израмнувајќи десетици згради, вклучувајќи го и станбениот блок во кој живееше неговиот братучед Махмуд со сопругата и нивните седум деца.
Неколку часа подоцна, Рахал, началникот на локалната полиција, ги пребарал урнатините на куќата со надеж дека ќе ги најде живи Махмуд и неговото семејство. Цело утро не слушнал знаци на живот, но во 12:30 часот по локално време слушнал неколку зборови изговорени со мал глас.
– Извади ме одовде – рекло малото девојче под урнатините.
Heartbreaking – A Syrian girl is seen trapped w/ her baby brother under the ruins: "Get me out of here and I'll be your servant"
After 17 hours the rescue teams reached them & she said: "Get me out of here and I'll do whatever you want for you (I'll be your servant)"
[Abu Ali] pic.twitter.com/mK4lNLPN12
— Adam Albilya – אדם אלביליה (@AdamAlbilya) February 7, 2023
Таткото се обидел да ги ослободи, но сфатил дека не може сам. Така ги видел и им го испратил видеото на колегите од полицијата, барајќи од нив да интервенираат.
Видеото брзо почна да се шири, а набрзо станало вирално не само во Сирија, туку и низ светот.
За неколку часа видеото беше прегледано повеќе од пет милиони пати и стана еден од симболите на трагедијата што ја снајде Сирија по земјотресот.
-Мојот пријател веднаш дојде и ми помогна да го извлечам малиот Абдула, кој за среќа се здоби со само неколку гребаници. Сепак, Џихан беше проблем. Над неа имаше голема бетонска плоча, а железна прачка и ја прободе ногата, се потсетува Рахал во својата исповед за Гардијан.