Просинечки повторно ќе се оперира

Легендарниот фудбалер Роберт Просинечки одлучи до крајот на неделава или на почетокот од следната повторно да се оперира во Загреб.

Во ноември, минатата години селекторот на Босна и Херцеговина прв пат се пожали на болку во стомакот и веднаш беше опериран во Клиничкиот центар во Сараево. Тогаш беше соопштено дека зафатот бил поради проблем со танкото црево. На 1 декември, Просинечки мораша повторно “под нож“, а сега ќе му биде трета операција.

– Просинчки долго се двоумеше и на крајот се одлучи за операција во Загреб, каде неколку пати одеше на контрола по двете операции, – вели извор за “Дневни Аваз“.