Тајната, тврди тој, е во – прегратката

Иако неговиот брак со Крокдал е релативно нов, актерот вели дека постои тајна за одржување на силна и среќна врска.

„Ја прегрнувам, ѝ давам убава, голема прегратка десет пати дневно“, изјавил актерот за „Фокс њуз“.

„Се обидувам да ја прегрнам неколку пати пред ручек. Звучи едноставно и малку глупаво, но тоа неутрализира многу несогласувања и недоразбирања. И нè прави двајцата да се чувствуваме добро. Тоа е мојот нов рецепт“, рекол Долф.

Актерот додал: „Кога имате расправии, кога сакате да бидете во право, но и другата личност сака да биде во право, мора да направите вашиот партнер да се чувствува добро, дури иако во тој момент не се согласувате. Фразата „среќна сопруга, среќен живот“ е вистина. Мора меѓусебно да се почитувате и да си давате комплименти“.

Што мисли тој за разликата во годините?

Актерот еднаш прозборел за нивната разлика во годините.

„Чувствувам дека Ема е многу зрела за нејзини години. Имала интересен живот. Дојде тука од мал град во Норвешка. Се омажи, имаше тежок развод и помина низ многу работи низ кои повеќето млади луѓе на нејзина возраст не мора да поминуваат“, изјавил Лундгрен.