Таа е дама којашто инспирацијата ја црпи од сопстениот живот и секојдневие и на тој начин ги создава своите романи. Борбеноста ѝ е заштитен знак, искреноста е таа којашто ја води низ животот, а нејзините испишани зборови со сигурност ќе врежат меморијата на оние со нагласен сензибилитет.
Писателката Ксенија Николова го збогати новото издание на естрадниот магазин Бекстејџ, зборувајќи за една од најважните, но и начувствителните животни теми, а тоа е мајчинството.
Николова призна дека вештачкото оплодувања ѝ е како добро утро, никогаш не верувала дека во 20-тите години ќе има поминато три ин-витро оплодувања, обиди, прегледи, операции, бидејќи редовно правела гинеколошки прегледи и се било во ред. Но, таа е благодарна што има поддршка од партнерот и најблиските во желбата да се оствари како мајка: