Бетини Франкел беше ѕвезда на модната ревија на Sports Illustrated во Мајами. Американската манекенка, претприемачка и актерка ги засени сите на модната писта кога прошета во различни костими за капење, покажувајќи ја својата цврста и затегната фигура на која многумина би ѝ завидувале.
Франкел има 55 години, а меѓу другите модели кои се појавија во Мајами, таа носеше плетено бикини и софистициран црн дводелен сет, привлекувајќи внимание кон нејзините совршени стомачни мускули. Ѝ се придружи и плус-сајз моделот Ерин Марли Клеј, со која изведе диво танцово шоу пред објективите на фотографите.
Поранешното заштитно лице на реалното шоу „The Real Housewives of New Yor“ докажа дека за неа годините се само бројка и на пистата донесе доза на самодоверба и неограничена енергија. Модели, спортисти и специјални гости излегоа на пистата за време на ревијата на Неделата на пливањето во Мајами Бич.
Таа сподели фотографии од ревијата на своите социјални мрежи, пишувајќи под објавата:
– Луѓето имаат тенденција да се фокусираат на дестинацијата. Големиот момент, пресвртницата, целта, пистата… колку и да е ЕЛИТНА, секогаш ме интересирало што е потребно за да се стигне таму. Најдобриот дел од ова беше патувањето. Гламурозните тимови, екипата, моделите, изненадувањето себеси и недозволувањето другите да одлучат кога мојот момент ќе помине. Јас сум 55-годишен модел за костуми за капење на @si_swimsuit (најстариот…). И едвај чекам да видам што е следно.
Коментарите брзо следеа по нејзината објава: „Сакам да бидам ти кога ќе пораснам“, „Како твоето тело изгледа сè подобро и подобро“, „Која е твојата тајна?“, „Изгледаш апсолутно совршено“, ѝ напишаа.
Таа е среќна и во приватниот живот, бидејќи неодамна има нов партнер, Шејн Кембел, со кој првпат се појави во јавност минатиот месец.
