Бизарниот инцидент се случил на 1 април, пред полетувањето на авионот на „Шенжен ерлајнс“, откако две патнички се расправале за „аромата на парфемот“.
Жените седеле во ист ред, а по вербалната расправија за парфемот настанал сериозен хаос. Двајца мажи се обиделе да ги разделат, но безуспешно.
Интервенирала и полицијата.
Екипажот во кабината се обидел да ја смири ситуацијата, кога наводно една стјуардеса била касната за раката, а еден патник бил изгребан, пишува Дејли мејл.
На крајот интервенирала полицијата, а жените биле отстранети од авионот. Инцидентот предизвикал задоцнување од два часа на летот Шенжен-Шангај, додека авиокомпанијата започнала внатрешна истрага.